dosto ye mera blog likhney ka pehla anubhav hai aur jaise kisi bhi kam ke pehley anubhav ki kashish yea parinam ki umeed sabe khas hoti hai meri bhi umeed kuch waisee he hai.. , yu to abhi tuk humney apne kuch azeezo aur kuch achhey rachnakaro ke blogs padhey the aur samajhney ki koshish kartey they k akhir ye kehna kya chahte hai.. ab jakar samajh aa raha hai k blog likhna koi asan kam nahi hai agar hum use sach k sath likhey ki koshish kare..
aam insano ki tarah mein bhi sochta rehta hoon k zindgi hai kya??? zindgi par bahut sare sher bhi likhe gay hai par shayro ka kya... unki to ek alag he duniya hoti hai aur wo jo dil chahta jai likh dete hai... agar logo ko pasand aayee to shayar khush aur nahi pasand aayee to kisi doosri /teesri ghatnao yea durghatnao ki talash mein rehte hai .. k kub mauka mile aur wo apni bhavnaye vyakt kare..
zindgi ke keemat wo mata/pita jante hai jinhone apne bachhey ko ungli pakad kar chalna sikhaya rat bhar apney seeney se lagaye rehte the k bachhey ko dar na lage aur use neend aa jaye. wo mata pita jo budhe honey par apney he bachhey ke ek sachhi muskan to tarastey rehte hai jinhoney apni sari hasi apne bachhey ke ik muskan k liye bech dee thi.
aaj kitne he mata pita apney bachhe ke sath rehte hue uske sath 10 minute bhi nahi bita sakte kuki unka wohi bachha jo kabhi unke bina ek kadam bhi nahi chal sakta tha aaj duniya ke race mein humesha aagey jane ke kosish karta rehta hai aur apne mata pita k sath 10 minute baith kar baat karne mein bhi use time waste he lagta hai.. use lagta hai k usne ghar mein zaroorat ke sari cheeze rakh chodi hai aur uske mata pita aaram se un samano l sath apna samay kaat sakte hai.. lekin use kya pata k mata pita ko in samano se kahi jyada 10 minute/20 minute ka samay chahiye apne us kaleje k tukde se jise unhoney bade armano se bada aur achha insaan bananey ki kosish ki thi . wo shayad ab ye samajh rahe hai k wohi bachha bada insan to ban gaya lekin achha insaan banney k liye use abhi ek lamab rasta tay karna hoga.. aur wo rasta use tub samajh mein aayega jub isi bhag daod mein uske apney bachhey bade ho jayngey..
bhaiyo na jane ku ek sher yaad aa raha hai pata nahi fit bhi baith-ta hai yea nahi.. lekin phir bhi likhna chaunga..
kabhi-kabhi humney apney dil kuch aise samjhaya hai
jin bato ko khud nahi samjhe auro ko samjhaya hai..
zindgi ke keemat wo bachha samajhta hai jiske ma-baap us-se door chale gaye ho..
zindgi ke keemat wo dulhan samjhti hai jiska piya shadi k 4/5 roz bad he us-se door border par zingi aur maut se do do hath karne ja raha hai..
itna kuch likhey k bad mein ab bhi yehi soch raha hoo k mein kya likhna chahta tha aur kya likh raha hoon.. shayad ise he kehte he k dil sur dimag ek sath na hona .....
lekin phir bhi koi gila nahi koi shikwa nahi... ye to ek shuruat hai .. ab jub shuru kar de diya hai to apney vicharo ko aur bhi sukoon k sath likhte rahengey ..
jaisee bhi lage apko meri ye rachna .. likhiyega zaroor ye meri guzarish hai aap sabhi dosto se.....Kyoki..
is chotey se dil mein armaan bahut sare hai
ye alag baat hai hum unhe dikhyaya nahi karte...........
